- Advertisement -
Lalo pang pinaigting ng Bulacan Provincial Police Office ang kanilang kampaniya kontra sa mga iligal na paputok, 3 araw bago ang bagong taon.
Ito’y dahil sa pinsalang idinudulot nito partikular na sa mga kabataan na nakasisira rin sa industriya ng paputok sa lalawigan na kilala bilang fireworks capital ng Pilipinas.
Ayon kay Bulacan Police Chief Col. Emma Libunao, kaniya nang ipinag-utos sa lahat ng chiefs of police sa lalawigan na suyurin ang kanilang nasasakupan para mahuli at masamsam ang mga iligal na paputok.
Apela naman ni Libunao sa mga magtatangka pa ring magbenta ng mga ipinagbabawal na paputok na huwag nang tumuloy sa kanilang nais dahil tiyak na sa piitan ang kanilang kababagsakan.
- Advertisement -
