CAGAYAN DE ORO CITY- Gisuta pa karon sa mga doctor sa syudad sa Cagayan de Oro ang pagkamatay sa lima ka mga tawo sa makalabay’ng gabii samtang naningkamot sila nga kapugnganan ang pagkuyanap sa Covid-19. Sa lima ka patay, duha niini nga kaso mao ang 65 anyos nga babayeng taga RER Phase 2 Kauswagan ug ang 62 anyos nga lalaking taga JR Borja Extension, Camaman-an nga nakapabalaka sa mga doctor tungod sa probabilidad sa Covid-19 infections.
Sa report nga gipagula, si city epidemiologist Joselito Retuya nagsugilon nga ang babaye nga taga RER ug lalaking taga-Camaman-an namatay kini sa acute respiratory illnesses maoy hinungdan nga mihimo ang mga lokal health workers sa contact tracing.
Duha lamang sa lima nga namatay ang gikonsidera nga suspected cases sa Covid-19. Sa tulo sa listahan sa namatay nag apil kini sa usa ka mabdos nga taga Pinikitan,Camama-an, susamang dapit diin namatay ang usa ka Covid-19 infected sexagenarian niadtong nakalabayng semana sa Northern Mindanao Medical Center.
Sa pikas bahin, ang laing duha nga namatay nga gisundan sa mga doctor ingon sa dili Covid-19 related cases.
