Kamara ipapatawag si Robredo hinggil sa mga plano nito sa war on drugs

Ipapatawag sa Kamara De Representantes si Vice President Leni Robredo, para pagpaliwanagin kaugnay sa mga plano nito sa war on drugs.

Ayon kay Cavite Representative Elpidio Barzaga Jr., taos puso ang nais ng kongreso na pagtulong kay Robredo kung kaya’t ipinatatawag nila ito upang malaman ang mga plano kaugnay sa kampanya kontra iligal na droga.

Sinang-ayunan rin ni house committee on dangerous drugs Chairman Robert Ace Barbers ang iminungkahi ni Barzaga na ipatawag para sa isang pagpupulong ang Bise Presidente.

Aniya, mas magandang hintayin na lamang ang pagsasapinal ng Bise Presidente kaugnay sa mga plano nito sa war on drugs.