GIDAPIT ang katawhan sa pagsalmot ug pakiglambigit sa mga kalihukan nga gihan-ay sa City Local Environment and Natural Resources Office alayon sa Environment Month celebration matag bulan sa Hunyo.
Lakip sa mga kalihukan ang Recyclable Waste Recovery diin mahimong dad-on ang mga recyclable wastes sa Gaston Park ug mabayloan kini og cash, gcash or mobile load basi usab sa kilo nga matimbang karong Hunyo 5, adlaw’ng Huwebes.
Ang pagdala sa mga recyclable wastes kabahin usab sa pagsaulog sa Environment Day sa maong petsa.
Aduna usab ipahigayon nga “One Time, Big Time” Anti Smoke Belching Campaign nga pangulohan sa Clenro, LTO, DENR-EMB ug RTA karong Hunyo 10.
Sundan usab kin isa Global Wind Day diin magpahigayon og “Sa Limpyo nga Hangin, Magtabanog Ta Uy” sa Isla de Oro Boulevard ug kini bukas sa tanan nga gusto mosalmot gamit ang eco-friendly materials ug “Sikad para sa KInaiyahan” karong Hunyo 14.