Ang kagamhanang lokal ning dakbayan sa Dipolog ang padayung nanawagan nga hugtanong magbantay sa pagtagbo sa bag ong tuig ilabina sa pagpahigayon ug paboto,diin isa kini sa naandan nang buhaton sa tanan isip pagsugat sa New Year.
Ang tanan pahimangno ubos sa pamunuan ni City Mayor Darel Dexter T. Uy ngadto sa tanang mga lumolupyo nga mag-amping sa ipahigayon nga pagpaboto.
Ang maong panawagan ingon man pahimangno sa dakbayan para sa mga katawhan nga dili magpasagad sa ilang ipahigayon unya sa ilang paggamit ug mga paboto panahon sa pagsugat sa bag-ong tuig,isip tradisyon na kini nga buhaton matag abot sa bag-ong tuig.
Sa mga miaging bag-ong tuig, adunay mga natala nga nabothan ug mga paboto, diin kalagmitan niini ang naputlan sa ilang mga tudlo o nasamdan,hinungdan sa disgrasya ingon man pagka angol.
Kahinumduman apil usab sa hugtanong gi-awhag ngadto sa mga katawhan, ilabi na sa mga ginikanan, nga dili nila ibalewala lang ang ilang mga anak nga magpaboto ilabina na kadtong mga menor de edad pa lamang, kay sagad sa makaangkon sa disgrasya ang anaa sa mga kabataan, tungod sa kakulang pa niini sa kahibalo.
Kahibaloan nga subay sa atong pagsugat sa bag-ong tuig, ang kagamhanang lokal ning siyudad, inubanan sa koordinasyon sa Philippine National Police (PNP), Bureau of Fire Protection (BFP) ug sa Department of Health (DOH), ang mihimo ug mga mando aron sa malikayan ang mga kadaut nga may kalabot na sa paboto, sama sa pag-designar ug usa ka dapit dinha sa matag barangay nga layo sa mga kabalayan, diin didto ra unya sa maong lugar ipahigayon,
Ang maong mga departamento sa kanunay gahimo ug monitoring sa mga mamaligyaay ug mga paboto, kun ugaling wala ba kini sila namaligya sa mga ginadili nga mga matang sa firecrackers o pyrotechnics. (Angelica T. Obina)
(Source: Dipolog City Government)