Cebu City – Gi awhag ni Lapu-Lapu City Mayor Junard Chan ang nga Oponganon nga modoyog kaniya sa pagpasalamat sa giisip niining nakab-ot nga kalamposan sa subling pagpahigayon sa pagpinirmahay ug Joint Venture Agreement( JVA) tali sa Lapu-Lapu City Government ug Mactan Blue Waters Development Corporation, Biyernes Agosto 7, 2020.
Nalatid sa maong JVA ang reclamation project nga naglangkob sa 203 ka ektarya nga luna , diin dunay 100 ka hektarya sa Barangay Punta Engano ug laing 103 ka hektarya sa Barangay Canjulao.
Gipaglantawan ni Chan nga liboan ang maka pahimulos sa maong proyekto ubos sa Private Public Partnership kon PPP tungod kay matod sa mayor maka mugna kini ug liboan ka mga trabaho labi na sa industriya sa turismo.
Nagpasalamat si Chan sa mga kadagkuan sa Mactan Bluewaters Development Corporation labi sa ilang Chairman nga si Carlos S. Gonzales sa paghatag ug pagsalig sa administrasyon ug pagbobo ug dakong investment dili lang sa infrastructure kundi lakip na ang employment sa dakbayan.
Gihulagway sa mayor nga kini na ang sinugdanan sa pagbangon human sa giisip nga makalilisang nga sakit nga nagbutang sa kadaghanan sa kalisod. I via Jhon TadlipÂ
(Source: Lapu-Lapu City PIO)
(Photo courtesy of Mayor Junard Chan)