Malampusong napahigayon sa City Anti-Drug Abuse Council (CADAC) ug City Peace and Order Council (CPOC) ang usa ka “joint meeting” nga gipahigayon didto sa 2nd floor Museo, ning siyudad sa Dipolog, adlaw nga Byernes, Marso 22,2024.
Ang maong Joint meeting ubos sa pagpangulo ni City Vice Mayor Senen O. Angeles, ug sa kasangkayan sa Department of the Interior and Local Government (DILG) sa pagpangulo ni CLGOO, Sherrie Charlota N. Machutes nga gisalmotan sa pipila ka mga lokal opisyal ning dakbayan.
Sa pamahayag ni Dipolog City Chief of Police, LTC Vedasto J. Dasmariñas III, siya nag kanayon nga padayong nagpabiling malinawon ang siyudad sa Dipolog.
Sa samang higayon ang CADAC, gitataw pinaagi ni Balay Silangan Incharge, Ms. Flora V. Atamosa ang pagkabaton sa maayong kalamboan ug uban pang mga kalihokan nga naglambigit sa Anti-Drug Campaign sama sa kahimtang sa:
1) Drug Clearing dinhi sa siyudad
2) Innovations kalabot sa kampanya sa droga
3) Balay Silangan Update
Nasayran nga gikan sa talaan sa kapulisan nga adunay kinatibuk-an, nga pagkunhod sa mga krimen nga nahitabo sugod sa Enero hangtud Marso ning kasamtangang tuig.
Gumikan niini, gihimug-atan sa agenda sa CPOC ang paglatid sa kahimtang sa kalinaw ug kahapsay sa syudad sa Dipolog. (Medalyn U. Borja)
(Source: Dipolog City Government)
