Giaprobahan ang supplemental budget no.8 sa SP Gensan pinaagi sa pag author ni City Councilor Franklin Gacal Jr. Chairman sa Committee on Finance and Appropriation ang Christmas Bonus sa mga Job Order (J.O.) employees ug Contractual sa LGU nga mokabat sa 12,000 pesos.
Kini ang gibutyad ni Kagawad Gacal sa dihang nahinabe sa RPN DXDX Gensan human sa maong gipahigayon nga regular session karong adlawa. Ang wala pa naaprobahan mao ang bonus para sa mga regular employees sa LGU nga gitawag nga CNI kon Collective Negotiation Incentives sa halos dos mil ka mga regular nga empleyado sa City Hall.
Sa paghisgut ug pagpatawag kang City Budget Officer John Quimosing wala pa gikumpirma niini ang availability of funds kon budget savings or surplus niining tuig 2020 maoy hinungdan nga wala pa maklaro kon asa kuhaon ang kapin 60 milyon ka pesos para sa bonus sa mga regular employees sa LGU GenSan.
Gidugang ni Gacal nga posibling mahatag ang maong bonus apan didto na sa bulan sa Enero 2020 ug pangitaan pa kini ug budget. Adunay wala na gasto nga budget para sa construction sa City Engineering Office building nga wala pa nagasto tungod gilayasan kini sa contractor ug kini nga pundo obligated for 2019 annual budget apan giklaro ni Budget Officer Quimosing nga dili kini pwedeng gamiton para sa bonus sa mga regular employees.
Wala usab giuyunan sa mga konsehal ang unang sugyot ni Kagawad Gacal nga ang 45 Million pesos para sa cash assistance sa mga tawo isip economic stimulus panahon sa nagpadayong Covid 19 pandemic tungod ipalit gayud kini ug welfare goods kon ipalit ug bugas, delata ug noodles kon ayuda sa katawhan.
Dugang nasayran nga adunay shortfall sa collection ang LGU karong tuiga mikabat sa 150 million pesos tandi sa annual estimate of collection niining tuiga ug posibling hinungdan mao ang Covid 19 pandemic nga nagsugod Marso kasamtangang tuig. (Roniel Degorio, RPN DXDX GenSan)