Isa ka laborer, napalgang wala nay kinabuhi nga puno sa mga samad sa Matalam, North Cotabato

Wala nay kinabuhi ug puno sa mga samad sa dihang napalgan ang usa ka laborer bag-ohay pa lamang sa plantasyon sa tubo sa Barangay Central Malamote, Matalam, North Cotabato.

Giila ang biktima nga si Ryan Olem Galve, 32 anyos, minyo, laborer, ug residente sa nasangpit nga dapit.

Sigon sa taho, nakit-an matud pa sa usa ka magtiayon ang patay’ng lawas sa biktima nga adunay mga samad tinigbasan sa nagkadaiyang bahin sa iyang lawas ug giluglog pa ang liog niini nga maoy gitudlong hinungdan sa iyang kamatayon.

Nagpadayon pa karun ang gihimong imbestigasyon sa mga kapulisan labot sa naasoy nga krimen. (Ernest Villariza)