Sarong herowe asin orgulyo kan satuyang nasyon. Satuyang isineselebrar ngonian na aldaw an ika-161 na Birth Anniversary ni Jose Maria Panganiban.
Dakula an nagin kontribusyon ni Jose Maria Panganiban sa pagtolod kan mga reporma sa paggobernar sa nasyon kan durante kan pagsakop kan mga Español.
Presente man sa okasyon an satuyang alkalde, Mayor Son Legacion, mga miyembros kan Sangguniang Panlungsod, an mga opisyales kan ciudad, mga personahe kan DepEd asin PNP, asin an mga teacher asin estudyante kan Naga Central School I.
Sa ngonian, satuyang ginigirumdom an legasiya ni JoMaPa bilang inspirasyon bako lang sa mga Pilipino, orog man din sa satuyang mga kaakian. Pig-eenganyar kita na arugon si JoMaPa sa padagos na pagsagibo kan satuyang mga obligasyon para sa nasyon. Na gamitun ta an satuyang mga talento para sa ikakarahay kan satuyang komunidad.
(Source: Naga City Government)