Gi-aresto sa kapulisan ang usa ka lalaki sa kasong pagpangawat o kon QUALIFIED THEFT, mga 12:28 sa kaudtuhon, Huwebes, Pebrero 1,2024.
Ang maong dinakpan giila nga si VENIZON AMBANG MOCATEL, 21 anyos, lalaki, ulitawo ug residente sa Purok 2, Brgy. Sta. Isabel, Dipolog City, Zamboanga del Norte.
Na aresto kini, pinasikad sa Warrant of Arrest nga giisyu ni HON. VICTORIANO DIONGLAY LACAYA- Presiding Judge, 9th Judicial Region, Branch 9, Dipolog City, Zamboanga del Norte, pinetsahan Agosto 31, 2023 nga adunay piyansa nga girekomendar nga mobalor sa Php 20,000.00.
Ang dinakpan temporaryo karong gitanggong sa Dipolog CPS alang sa tukmang disposasyon. (Medalyn U. Borja, RPN DXKD Correspondent, photo courtesy of Dipolog City Police Station)