Sa mas pinakusog na kampanya kan Baao Municipal Police Station contra sa mga taong pinaghahanap kan leyes, naging matrayumpo an isinagibong pag-aresto sa duwang lalaki na may kasong rape asin sexual assault.
Mientras na sa pamamayo ni PMaj. Divino John B. Pelea, officer-in-charge kan Baao Municipal Police Station. Kaibanan an tracker team kan Baao Municipal Police guiraray na nagsagibo nin pag-aresto sa mag-kaparehas na lugar sa nasabi nang banwaan bandang 10:35 nin Aga Dec. 4, 2022 sa Barangay Buluang, Baao, Camarines Sur.
Arestado an suspetsado na binisto sa Alias na “BEMBEM” 43 anyos para-oma may agom asin presente naka-istar sa Sitio Itonan Barangay Buluang, Baao, Camarines Sur (Nr. 3 Municipal Most Wanted Person). An nasabi nang suspect may inaatubang na Kasong (4) four counts sa kasong “Rape” na may criminal case nr. IR16460 – 16463 na inisyu ni Hon. Rima Orbon Ortega, Presiding Judge kan RTC Branch 7 kan Iriga City na mayong piyansang inirekomenda sa temporaryong lebertad kan suspek.
Mientrastanto mga oras 11:20 nin aga parehong petsaasin Barangay dakop man an sarong lalaki na pinag-bisto sa Alias na “MAR” 32 anyos may agom asin presenting naka-istar sa Zone San Felipe Barangay Buluang Baao Cam. Sur (Nr. 4 Municipal Most Wanted Person). An suspek may inaatubang na kasong (2) counts Sexual Assault na may criminal case Nr. 16455 – 16456 na inisyu ni Hon Rima Orbon Ortega Presiding Judge kan RTC Branch 7 kan Iriga City na may piyansang Php 180, 000.00 sa saiyang temporaryong libertad, An mga suspek sa presente nasa kostudiya na kan Baao Municipal Police Station para sa mag-kakanigong disposisyon. (JV Navarro Verdeflor Jr., photo courtesy of MPS Baao)