Anaa sa talandugon ang kahimtang sa usa ka sakop sa San Remegio Police Station human gipusil sa duha ka wala matino nga suspetsado.
Ang pagpamusil nahitabo pasado 1:54 kagahapon sa kadlawon, Decembre 4,2022, didto sa Purok Tambis, Barangay Lawis, Lungsod sa San Remegio, Probinsya sa Sugbo.
Naila ang biktima nga mao si Police Staff Sergeant Jade Andales Carabuña , 38 anyos ang panuigon, residenti sa maong lugar.
Segon ni Police Staff Sergeant Felipe Cabague Jr. sa San Remegio Police Station nga ni respondi si Carabuña og usa ka trouble alarm sa maong lugar apan gipusil kini nga naigo sa likod nga bahin sa iyang ulo.
Duha ka mga wala mailang lalaki ang gi susi karon nga maoy responsabli sa maong pagpamusil.
Sa pagkakaron padayong nakigbugno sa kinabuhi si Carabuña nga anaa sa tambalanan sa dakbayan sa Sugbo.
Dugang inbestigasyon ang gihimo karon sa kapulisan sa lungsod sa San Remegio. (Renante Lada)