Nasa state of calamity ngunian an probinsya kan Albay asin Catanduanes matapos maglamasa sa Bicol an Bagyong Paeng.
Kan nagtalikod na lunes pig aprobaran na kan Sangguniang panlalawigan kan duwang probinsya an resolosyon na nagmamawot na isairarom an bilog na probinsya sa State of Calamity, susog naman sa naging rekomendasyon kan saindang PDRRMC.
Marumduman na nagland fall sa isla kan catanduanes an mata kan bagyo nakunsain dakol na mga kaharongan nagkagaraba kawsa kan makusog na hagupit kan duros sa lugar.
Miyentrastanto inot na isinairarom sa state of calamity an bilog na Albay susog sa ipinalowas na resolosyon kan local na gobiyerno kan nagtalikod na aldao. Sa katuyuhan na makaduhol nin tabang o asistensya sa mga residente na grabing nasalanta kan bagyo.
Siring man magamit kan mga munisipyo pati cuidad na sakop kan duwang probinsya an saindang calamity fund. (Joey H. Lim)