Nakabsan sa iyang hinulman nga kinabuhi ang usa ka pulis human niya unaya pagpusil ang iyang kaugalingon.
Nahitabo kini pasado 4:50 kagahapon sa hapon, Novembre 2,2022, didto sa Male Barracks, RMFB-7 Camp Ceperino Genovia, Brgy. Bahay, Lungsod sa Sibonga, Probinsya sa Sugbo.
Ang biktima giila nga si Patrolman Edgardo Pilariz Silva, 32 anyos ang panuigon, ulitawo, lumad nga taga Tanjay, Negros Oriental.
Matod sa taho gikan sa Sibonga Police Station, nasayran nga nakadungog og buto sa armas de fuego si Patrolman Mahinay og sa pagsusi na niya nag buy-od nga wala nay kinabuhi ang iyang kauban nga si Silva.
Ang biktima adunay samad pinusilan sa ulo nga nagkupot sa iyang 9mm Taurus service firearm.
Sa gihimo nga imbestigasyon nila ni PSMS Michelle Ponce, PSMS Junrell Bacamante ug Pat.Emerson Nabua nasayran nga sa wala pa naghikog ang biktima aduna pa kini gikatawag sa iyang cellphone nga ginganlan og Patrolwan Roque.
Ang kapulisan padayon pa sa ilang imbestigasyon kabahin sa maong panghitabo.
Gisusi usab kini sa taga Scene of the Crime Operatives kon SOCO. (Renante Lada, photo credits to the owner)