Ipig-anunsyo kan Department of Health an pinakaenot na kaso nin Monkeypox sa nasyon. Sarong 31 anyos na Pinoy na nagabot sa nasyon kan Hulyo 19 an kumpirmadong kaso kan sinambit na helang.
Nakumpirmar an kaso matapos ipasairarom an pasyente sa RT-PCR kasuudma, Hulyo 28. Na-discharge naman an pasyente asin nasa marhay na kamugtakan na suboot alagad naka-quaratine ini asin maigot na pigmomonitor an kamugtakan.
Natapos naman suboot an contact tracing kan DOH kun sain may sampulo ining close contacts, an tulo iyo an kaibahan man sana sa harong. Gabos iyo man an maigot na pigmo-monitor kan DOH.
An Monkeypox iyo an kawsa kan kakaibang microorganism asin iba man sa COVID-19. Nakakaulakit ini espesyalmente sa paagi nin sexual contact kun kaya abiso kan DOH, iwasan an intimate contact kun igwa nin rashes asin mga lugad.
“It is not like COVID-19 that spreads mostly through the air. Monkeypox symptoms are mild, and the disease is rarely fatal”, segun sa DOH.
(Source: DOH CHD Bicol)