Nagpaluwas nin datos an Environment Disaster Management and Emergency Response Office o (EDMERO) sa Probinsya nin Camarines Sur kus saen 60 na sanang aktibong kaso nin Covid-19.
Onse (11) sa mga ini an naka-recover asin walo (8) an nag-positibo, sa datos na ipinaluwas kan Nov. 17, 2022 na sa pang-enteruhan 17,684 na an naka-recover mantang 860 an nagadan sa 18,604 cumulative cases.
Sinabing sa Tambo, Pamplona sarong 7 Anyos na omboy an nag-positibo sa helang, na segun sa nagging pahayag ni Punong Barangay Lalaine Negrito, sinabi kaini na baka dae pa ini nakabali sa report kan EDMERO huli sa kaluluwas pa sana sa Ospital. Segun pa sa pahayag dae soboot nawaran nin sipon an aki kun kaya dinara man tulos ini sa Bicol Medical Center asin kan magsa-irarom sa testing nag-positibo ini sa virus.
Tinawan pang doon ni kapitana Negrito an importanteng pagbabakuna huli sa delikado kun may kaibanan na immunocompromised.
Arog nasana sa ibang mga Banwaan nadidipisilan man sindang mag-kumbinse sa mga residente asin dakul soboot na mga partially vaccinated asin habo nang mag-kompleto nin bakuna. (Jv Navarro Verdeflor Jr.)