- Advertisement -
Naka-aktibar na an Quick Response Team kan Department of Social Welfare and Development (DSWD) Bicol huli sa mga aktibidad na nairerehistro sa Bulkan Mayon na ngunyan yaun na sa Alert Level 2.
Kasu-udma nagpaapod nin pagtiripon an DSWD Bicol sa pangengenot ni Regional Director Norman Laurio kabala an mga City and Municipal Team Leaders asin Members para pag-ulayan an mga lakdang asin maaraman an preparasyon sa pag responde enkaso padagos an abnormalidad kan bulkan.
Inilatag man sa pagtiripon an mga estratehiya asin response framework para masiguro na matatawan tulos nin asistensya asin tabang an mga maapektaran na pamilya. (Jv Navarro Verdeflor Jr. via DSWD Bicol, photo credits to the owner)
- Advertisement -