Nakaresibe nin tabang hali sa Department of Social Welfare and Development Office (DSWD) – Bicol an pamilyang nabayaan kan tolong mga nagadan huli sa baha sa probinsya nin Camarines Sur.
Kabali digdi an pamilya ni Benito Noarin kan Canaman na inanod kan Baha asin pirit kaidtong nagbalyo sa spillway sa Naga City kan paulion ini para sa debut kan saiyan aki.
Si Eddie Tanudra, jog order kan Pili na nag-probar na bumalyo sa spillway asin kaibanan man an Pamilya kan Brgy. Tanod na si Gina Barde kan Goa na nadara kan makusog na sulog kan Baha kun saen ma-buelta kutana sa eskwelahan para tupadon an trabaho pakalihis na maipuli an aki kaini.
Sa pahayag kan Disaster Response and Rehabilitation Section Head Claudio Villareal sinabi kaini na Food Packs an enot na itinao kaibanan man ninda para sa Burial Assistance na 10k, Pangkabuhayan asin Psychological first aid.
Magigirumduman na pirang semanang nagpara-uran sa Probinsya nin Camarines.Sur dara kan Shearline. (Jv Navarro Verdeflor Jr., photo credits to the owner)