Gideklarar nga anaa sa State of Calamity ang dakbayan sa Dipolog human mipasupot og resolusyon ang mga sakop sa konseho ning dakbayan ubos sa pagpangamahan ni kosehal James P. Verduquez ug gidasonan usab nila ni konsehal Jonald C. Napigquit ug Eduardo C. Baron, atol sa regular nga sesyon niini niadtong Enero 24 ning tuiga.
Nasayran nga base sa Situational Report with Damage Assessment nga gipadangat ni Atty. Arvin L. Bonbon sa CDRRMO, penitsahan Enero 23 ning tuiga, nga sa baha nga nahitabo niadtong Enero 11-12, dunay 13 ka mga barangay ning dakbayan ang na-apektohan, 41,020 ka mga indibiduwal ang biktima, dunay danyos nga kapin Php6M sa agrikultura ug livestock og miguba sa river control diin ang estimated cost sa major damage niini mibalor og Php 41M.
Alayon niini, nasabutan sa usa ka consultative meeting nga gipahigayon tali sa mga Punong Barangay ug City Disaster Risk Reduction and Management Council (CDRRMC), ang rekomendasyon ngadto sa Sangguniang Panlungsod nga ipa-ilawom sa State of Calamity ang dakbayan pinasikad usab sa Section 16 sa Akta Republika 10121 alang sa “augmentation” ug dugang relief, recovery ug rehabilitation assistance.
Ang konseho sa diha-diha dayon mi-aksyon og karon gipa-ilawom na sa State of Calamity ang Dipolog.
(Source: Dipolog City Government Facebook page)