Nakatalaan na magsagibo nin mga bagong kalsada an Ciudad nin Naga sa objetong matawan nin solusyon an nag-gagabat na problema sa trapiko.
Ini an pigseguro kan City Engineering Office sa pamamayo ni Engr. Alexander Caning, dapit sa mga proyektong infrastraktura na panginot na programa kan City Government ngonian na taon 2023.
Sa saiyang paliwanag an mga kalsadang planong hamanon pasering sa Pili Cam. Sur na magigin dakulang tabang sa bulos kan trapiko kan Ciudad kun inkaso mahaman ini.
Mantang arog kan mga proyektong kan local na gobierno asin mismong kan DPWH may mga proseso pa man saindang susunodon na makompleto arog kan pag-kakaigua nin right of way sa mga probadong loteng aagihan kan naunambitan nang proyekto.
Ang problema sa trapiko sa Naga City an nagbuelta na lalo na kung rush hours huli sa normal an gabos, lalo na ta bukas na gabos na Commercial Establishment, mga pasyaran asin regular na an mga klase kan eskwelahan. (JV Navarro Verdeflor Jr., photo credits to the owner)