Nagkaigwa an NCGH nin health advocacy activity katakod kan World Kidney Day 2026 na may temang: “Kidney Health for All: Caring for People, Protecting the Planet.” Tinawan-doon sa aktibidad na ini an importansya kan pag-ataman sa satuyang salud, partikularmente sa satuyang mga kidney. Ini pinangenotan kan Hemodialysis Unit kaiba an manlaen-laen na yunit kan NCGH.
Kabali sa mga aktibidades an orolay-olay sa OPD kaiba si Dr. Suzanne Jao, kun sain tinukar an mga rason, risk factors, asin kun pano malilikayan an helang sa kidney. Siring man pagkahapon, nagtao si Ms. Kristel Martin, Nutritionist-Dietitian I, nin mga tips asin pagirumdom manunungod sa tamang pagkakan para sa satuyang mga pasyenteng nag-hehemodialysis.
An pinakapuso kan aktibidad iyo an pagheras nin mga testimonials kan satuyang mga Hemodialysis Warriors. An saindang mga istorya nagpagirumdom sato na dawa anong sakit an mag-abot, pirmi sanang igwang paglaom.
Source: Naga City Government