Nakaalerto na an kapulisan sa enterong probinsya nin camarines sur sa paabuton na November 1 and 2, 2022. Sa pag komemorar kan kapiyestahan kan mga kalag asin santo. Ini segun sa pahayag kan tagapagtaram hali sa provincial police office.
Maski ngani ngunian pa sanang aldaw sinda maurolay, kasumpay kan preparasyon na ilalatag sa mga sementeryo sa enterong probinsya, nakunsain nagtao na nin inot na kasuguan si Provincial Director PCol. Julius Cezar Domingo sa mga Municipal Police Station na maglaag na nin mga Motorist Assistance Center tanganing maasistehan an mga biyaherong malaog sa probinsya nin Camarines Sur. (Joey H. Lim, photo credits to the owner)Â