Pinaagi sa usa ka Search Warrant gisulod ang pinuy-anan sa usa ka empleyado sa Lokal nga Kagamhanan sa Dakbayan sa Tanjay.
Pasado alas 5:00 kaganihang buntag nahitabo ang pagpangronda didto sa Otis Street, Barangay 4, Siyudad sa Tanjay, Negros Oriental.
Ang nasikop giila nga si Neil June Manso, 37 anyos ang panuigon,Utility Worker II, residenti sa maong lugar.
Ang mga sakop sa Tanjay City Police Office ug Philippine Drug Enforcement Agency (PDEA-7) maoy nilusad sa maong operation.
Mga pinakiti sa gituhuang shabu ang nakuha sa position sa suspetsado.
Segon ni Leia Alcantara ang tig pamaba sa PDEA-7 nga nigawas ang pangalan ni Manso sa gipahigayon nga intelligence workshop sa PNP ug PDEA-7.
Diin matud pa nga maka dispatsar kini og ginadiling drugas nga dili muminos 50 hangtod 100 gramos matag semana.
Kasong kalapasan sa R.A No.9165 kon Comprehensive Dangerous Drugs Act of 2002 maoy ipasaka sa kawani sa City Hall. (Renante Lada, photo courtesy of PDEA-7)