Umabot sa 150 na bata edad anim hanggang limamput-siyam na buwan ang nabakunahan kontra tigdas at rubella sa paglunsad ng malawakang Ligtas Tigdas Measles – Rubella Immunization Activity (MR SIA) sa Concepcion Pequeña Covered Court, Naga City noong August 10, 2026. Pinangunahan ito ng Department of Health Bicol Center for Health Development (DOH Bicol CHD) katuwang ang Lungsod ng Naga.
Noong 2023, umabot lamang sa 84% ng target na bata sa Naga City ang nabakunahan sa MR SIA. Dahil dito, inilagay ang lungsod sa kategoryang “Very High Risk” para sa tigdas noong 2025 batay sa Measles Risk Assessment ng DOH.
Bilang tugon, muling inilunsad ang MR SIA ngayong taon upang makamit ang 95% coverage at masiguro na lahat ng eligible child population ay makakuha ng kumpletong bakuna laban sa tigdas at rubella bilang proteksyon laban sa malubhang sakit at pagkamatay. Bukod sa bakuna, nagbigay rin ng Vitamin A supplements sa mga bata.
Ang ceremonial vaccination ay pinangunahan ni DOH Undersecretary Dr. Gloria J. Balboa kasama si Naga City Mayor Hon. Maria Leonor G. Robredo, DOH Bicol CHD Assistant Regional Director Dr. Joel H. Buenaventura, Dr. Gisela Joyce Claveron-de la Rosa, Regional Medical Coordinator, National Immunization Program (NIP), Dr. Ronaldo T. Amoranto, Naga City Health Officer, Ms. Nelia V. Benito, Naga City Health Office NIP Coordinator, Dr. Abnet Samuel, representative ng World Health Organization, Ms. Nancy T. Pastrana, representative ng United Nations Children’s Fund, at si Mr. Elmer M. Villanueva Jr., LGOO VI, DILG -CLGOO.
Nagpaabot din ng suporta sina Hon. Elmer Baldemoro, Naga City Councilor, Hon. Gilda Gayle R. Abonal-Gomez, Dr. Mary Ann Cyrol N. Mesalucha, President ng Camarines Sur Medical Society, at si Dr. Bernadette M. Cid-Cuenco, Area Representative ng Philippine Pediatric Society – Bicol Chapter.
Source: DOH Bicol CHD