Pigkunpirmar kan BFP Bicol na egwa pang trese na mga local government unit sa Bicol region an mayo pang fire truck asin fire station.
Iyo man ini an naging pahayag ni Regional Director Ricardo Perdigon, sa isinagibong blessing and turn-over ceremony kan bagong fire truck sa banwaan kan malilipot Albay.
Segun sa opisyal an fire truck na itinao kan DILG asin tabang man dagos kan AKB partylist representative Atty. Jil Bongalon, an dakulang tabang para maparikas an pagsigbo nin kalayo siring man makatao pa nin ayuda sa pagtaraid na banwaan.
Miyentrastanto sinabe pa kan opisyal na plano man nindang manao nin fire boat, fire station o fire truck sa islang mga banwaan.
Mantang naglalaom an opisyal na sa maabot man na taon 2024 mamamatian asin maeexperiyensiyahan kan rehiyon bicol an modernization kan mga kagamitan sa fire truck. (Joey H. Lim)