Gadan na kan makua an sarong lalaki na nagbalyo asin inanod kan makusog na tubig baha sa sarong spillway sa Barangay San Jose, Buhi, Camarines Sur pasado alas 7:00 nin bangi kan Abril 11, 2023.
Pinagbisto an biktimang si Romel Carlo Tomenio 28-anyos may agom sarong delivery rider asin residente kan Zone 3, Barangay Sagrada sa nasabi nang banwaan.
Sa impormasyon, naresibe kan RPN News hali sa mga awtoridad dapit sa insidente kun kaya tulos sindang nagsagibo nin search and rescue operation, inot nindang nakua an motorsiklo kan biktima.
Mientras na kan Abril 13, 2023 kan makua an hawak kan biktima na mayo na nin buhay sa may pati kan Brgy. Banao, Iriga City. (Jv Navarro Verdeflor Jr.)
(Source: BFP R5 Buhi, CamSur, photo credits to the owner)