Makabuluhang aldaw na naman po an nagin pagbisita ta sa primer distrito ta pinangenotan mi po na Cong Hori Horibata, Vice Gov Sal Fortuno Jr. asin Mayor Melanie Abarientos an groundbreaking kan itutugdok na pinakabagong community college asin multipurpose covered court sa banwaan nin Del Gallego.
Saro po ini sa sakuyang prayoridad, na magkaigwang community college campuses an kada banwaan kan satuyang probinsya. Ngunyan proud po ako na ipahiling saindo na napupunan ta na po ini. Nagtutubod po ako na an pagtugdok kan mga infrastrakturang ini magigin paagi sa paghubog kan kaisipan kan satuyang jovenes na matao sainda nin mas marhay na futuro.
Mas nagin produktibo pa an aldaw na ini ta kasabay kan groundbreaking, nanao naman po kita dagos nin mga school bags sa mga estudyante nin Del Gallego National High School asin food packs para sa mga maestro asin maestra, asin residentes.
(Source: Governor Luigi Villafuerte)