- Advertisement -
Hinahalat pa sagkod ngunian an resulta kan imbestigasyon sa naging kawsa kan Fish kill na nangyari sa Lake Buhi pagkatapos na maagihan kan Bagyong Paeng. Miyentrastantong nahiling na sana na nagpaparataw pataw an renibong Tilapia sa ibabaw kan tubig danao kasuodmang aga.
Segun ki Alkalde Rey P. Lacoste dai pa naglolowas an resulta sa ginigibong imbestegasyon kan Lake Development Office.
Katakod kan baretang ini bagsak presyo an tilapia sa nasabing banwaan. Nagpapatak sa ₱ 30.00 an kada kilo alagad an buhay pa nagpapakol pa man sa ₱ 110.00 an kada kilo O hasta sa ₱ 140.00. Mantang inaaram pa sagkod ngunian an naging danyos kan nasabing fish kill. (Joey H. Lim)
- Advertisement -