Nagpapadagos ngonian an ginigibong monitoring kan DSWD Bicol sa gabos na probinsya kan Bicol Region lalo na sa sitwasyon para masiguro na supisyente an tabang na itatao sa mga maapektaran na mga bikolano huli sa raon nin panahon na sa ngonian naglaog na sa Phil. Area of Responsibility kan pilipinas
Sa ipinaluwas na datos kan ahensya naka-preposition an saindang mga family food packs asin non food items sa mga manlain-lain na local na gobyerno sa bali (6) anom na probinsya kan bikol.
Mientrastanto maabot sa 46,833 na family food packs, 52,857 na nan-food items asin limang (5) milyon de pesos man an naka standby.
An gabos na ahensya kan gobyerno kaipuhan sanang makipag-kordenar sa mga kanya-kanyang Disaster Risk Reduction Management Offices par sa update sa kamugtakan kan panahon. (Jv Navarro Verdeflor Jr update from DSWD Bicol, photo credits to the owner)