Segun sa naging pahayag ni Deped Under Secretary Epimaco Densing III ,sa planong pagtanggal kan mother tonque bilang asignatura sa grades 1-3 levels, ini soboot dakulang kapanghinayangan man kung mahahali an nasabing asignatura sa rehiyon segun man sa naging kapahayagan ni DepEd Regional Director Gilbert Sadsad.
Sarong dakulang kawaran asin masasayang an mga ginastos kan naging katuwang an ABC plus nangorog na an kapagalan asin sakrifesyo kan mga paratukdo masasayang man soboot. Miyentrastanto dakulon na man daang ginibong instructional learning materials an mga paratukdo puon sa grade 1 hasta grade 6.
An mother tongue sarong leguahe tanganing maintindihan kan mga aki. Tinawan duon kan ofisyal na dakulang pakinabang man sa educasyon an pagtutukdo sa mga aki an mother tongue, nin huli ta ginagamit ini sa laog kan harong asin sa eskuelahan kung sinda nag uurolay kun sain ginagamitan kan saindang dayalekto.
Alagad sinabe ni Densing dapat halion an mother toque para ma decongests an presenting curriculum kan mga estuyante.Idinagdag pa kan ofisyal na dai na kaipuhan pa nin mother toque subject ta ini ara aldaw na ginagamit ninda sa eskuelahan asin komunidad pati na orolay olay kan saindang familya. (Joey H. Lim)