Cebu City – Mo-suporta ang pangu sa minority bloc sa Cebu City Council sa gi proposed ni Cebu City Mayor Michael Rama nga ₱ 50 billion annual budget alang sa 2023 kung dunay igong pundo ang syudad nga magamit.
Kini ang reaksyon ni Konsehal Nestor Archival human ang proposed budget pormal nga gi refer ngadto sa committee on budget nga gipanguluhan ni Konsehal Noel Wenceslao alang sa first reading niadtong Miyerkules.
Nagkanayon si rchival nga dako nga kantidad ang ₱ 50 billion ug alang kaniya nga kung dunay kwarta maayo nga gamiton kini alang sa kaayuhan sa syudad ug mga residente.
Kung ma aprobahan, ang ₱ 50 billion mas dako pa sa kasamtangan nga budget sa tulo ka mga labing adunahan nga syudad sa nasud.
Ang annual budget sa Quezon City sa National Capital Region duna lay ₱ 30.5 billion sa tuig 2022, basi sa Ordinance No. 3063 sa Quezon City nga nag enact niini.
Ang Commission on Audit mi tag sa Quezon City nga maoy labing adunahan nga syudad sa nasud in terms sa ilang assets sa tuig 2021.
Dunay ₱ 22.2 billion annual budget ang Manila City, samtang ang Makati City naa sa ₱ 17.8 billion ang ilang annual budget.
Wala pa masayri kung pila ang gi proposed sa tulo ka mga syudad alang sa ilang 2023 budgets.
Dili mogasto ug sobra
Ang ₱ 50 billion nga gi propose ni Raman alang sa 2023 annual budget, moabot kini ug 450 porsento nga pagsaka gikan sa budget sa Syudad sa Sugbo ning tuiga nga dul-an sa ₱ 9 billion.
Nagkanayon si Archival nga mahinungdanon sa City Government nga dili mogasto ug sobra sa kita niini.
Gipakita ni Archival nga ang revenue collection sa City Government sa tuig 2021 miabot lang ug ₱ 7.36 billion.
Sa tuig 2021, ang syudad naka kolekta lang ug ₱ 7.36 billion sa revenues pero anng nagasto sa syudad miabot ug ₱ 10.27 billion.
Niadtong tuig 2020, ang unang tuig sa coronavirus diseas (Covid-19) pandemic nga mipa hunong sa mga negosyo, naka kolekta ang syudad ug ₱ 8.73 billion, pero ang gigastohan miabot ug ₱ 10.38 billion.
Pagka 2019, sa wala pa ang pandemic, naka kolekta ang syudad ug ₱ 8.4 blillion, nga misobra pa sa target income.
Nagkanayon si Archival nga way mahimo ang minority bloc kung mo-insist si Rama nga ipadayon ang iyang gitinguha nga ₱ 50 billion budget.
Apan, matod sa minority leader nga ang City Government mamahimong mangutang ug mopasaka sa mga buluhisan gumikan kay ang gi proposed niini, moabot ug 450 porsento nga pagsaka sa budget ning tuiga nga ₱ 9 billion.
Sa iyang bahin, mi suporta si Vice Mayor Raymond Alvin Garcia sa gitinguha ni Rama nga budget sa 2023 subay sa damgo sa mayor nga mamahimong “Singapore-like” ang Syudad sa Sugbo.
Asa kuhaon ang Pundo
Basi sa proposal ni Rama, ang ₱ 50 billion kuhaon gikan sa mga mosunod: General Fund sama sa National Tax Allotment (₱ 2.74 billion), tax revenues (₱ 44.5 billion), non-tax revenues (₱ 2.1 billion) ug shares gikan sa economic zones (₱ 300 million)
Laing source sa kwarta mao ang special accounts sama sa income gikan sa operation sa city markets (₱ 108.4 million), local development fund (₱ 548.1 million), income gikan sa city hospital (₱ 180.4 million) ug funding gikan sa General Fund Proper (₱ 773.4 million) ug uban pa, mo sumada ug ₱ 1.75 billion. (Jhon Tadlip)
(News & photo courtesy of Cebu City Council)