Padagos sa ngonian an paglilibot kan mga personahes kan DTI Albay lalo na sa mga establisimiento para sa pag-konduser nin monitoring sa presyo nin mga barakalon sa Probinsya nin Albay.
Ini an nanutaran ki Director Noel Bunao OIC DTI Albay kun saen poon kan ideklara an State of Calamity nag-paluwas tulos sinda nin orden para sa price freez nin mga produkto na yaon saindang huridiksyon kabala digdi an mga canned sardines, kape, mga sabon, processed milk, iodized saly noodles asin iba pa.
Segun pa ki Bunao so naging resulta kan monitoring sainda naman na pinagsumetrer sa central office kun mananggad may pah-hiro sa mga presyo kaini.
Mientrastanto mayo man naheling an ahensya sa probinsya na nagbayolar sa nasabi nang deriktiba lalo na sa mga presyo asin nasusunod an mga negusyante sa nasabi nang kasoguan.mantang linalaoman na supesyente pa an supply kan mga basic goods kaini. (Jv Navarro Verdeflor Jr.)
(Source: DTI Albay, photo credits to the owner)