Pormal nang piglansar san Commission on Population and Development (CPD) V an Kalalakihang Tapat sa Responsibilidad at Obligasyon sa Pamilya (KATROPA) sa lokal na gobyerno nin Daraga dangan Camalig kasuhapon, Agosto 29, 2023 sa Hotel St. Ellis Legazpi, City.
An KATROPA, mawot na suportaran an mga kalalakihan na pakusugon an saindang obligasyon sa pagpromoter sa karayan san saindang pamilya dangan magin responsableng indibidwal, agom, dangan ama.
An lokal na gobyerno nin Daraga sa pamayo ni Mayor Awin Baldo, nagpaabot nin pasasalamat sa CPD dangan sa mga katuwang na opisina san nasabing programa. Dugang pa ni Mayor Baldo, padagos an sainyang suporta sa mga programang naga-promoter na mapangataman an lambang pamilyang Daragueño.
Presente  sa aktibidad bilang representante san Daraga sinda Dra. Edna Freya Tan, Municipal Health Officer, Population Officer Analixa Granadillos dangan Dra. Jennifer Lapus san Camalig, Population Officer Shiela Melgar dangan mga personahe san MHO.
Presente man sinda CPD Regional Director Joyce Dela Paz- Hilvano, CPD Assistant Director Josephine Chua, nagkapirang mga opisyal san barangay, mga personahe san Daraga Municipal Police Station (DMPS), Bureau of Fire Protection (BFP)- Daraga, Bureau of Jail Management and Penology (BJMP) dangan iba pa.
(Source: Daraga Albay PIO)