General Santos city – Personal nga gitigom o gipakitagbo-an ni Gensan City Mayor Lorelie Pacquiao ang mga opisyal o kadagko-an sa General Santos City Police Office (GSCPO) ug Joint Task Force (JTF) Gensan kagahapong adlawa (Agosto 31, 2023).
Gihimo ang maong panagtagbo sa Mayor’s Conference Room sa ground floor, City Hall Building, diin personal gayud nga mi-atubang kang Mayor Pacquiao sila Gensan PNP Acting Director, PCol. Nicomedes Olaivar Jr. kauban sa pipila niya ka mga pangabaga ug Army Col. Ruben Aquino kauban ang iyang pipila ka mga luyo-luyo nga mga tauhan.
Sentro nga gihisgotan sa maong katigoman pagpangandam sa igong seguredad sa s’yudad atol sa pagsa-ulog sa 25th TUNA FESTIVAL nga opisyal i-abli karong adlawa, Septembre 1 2023 hangtud petsa 5. Gikalipay gayud sa Alkalde dihang nasayran ngadto nila Col. Olaivar ug Col. Aquino nga plastado na ang seguridad sa Gensan nga ipatuman sa Gensan PNP ug Task Force Gensan atol sa 5 ka adlaw nga kasa-ulogan sa naasoy nga kapiestahan nga gila-umang pagadagsa-on sa mabagang du-ot sa katawhan. (Rem Agdon)
Photos: CMO