Padagos na nakakapag rehistro nin kasong pang-aabuso an Commission on Human Rights o CHR sa Bicol region. Ini an mga nagin pahayag ni CHR Regional Director Atty. Arlene Alangco, pira sa mga kasong ini iyo an Rape, murder, extrajudicial killings, bayolasyon sa RA No. 9262 o an “Anti-Violence Against Women and their Children Act of 2004” asin grave coercion.
Segun pa saiya nairehistro man an nagkapirang kaso sa State security sector asin barangay officials kun saen kababaihan asin mga kaakian an biktima.
Sinabi pa ni Alangco na an saindang oficina tulos man na nakundoser nin imbestigasyon sa mga naunambitan nang mga kaso. mantang pinagigibuhan nin paagi para makonektar sa concerned agencies o opisina para sa magkakanigong aksyon.
Mientrastanto Tinawan doon kan opisyal na parte man kan saindang adbokasiya na mapromotir an awareness asin pagsunod sa mga leyes para maprotehiran an mga kababaihan, kaakian asin marginalized sectors kontra sa mangiba-ibang klase nin pang-aabuso sa palibot. (Jv Navarro Verdeflor Jr. Via CHR Bicol)