Nagpapadagos na ngonian an mga seminar sa ibang mga pampublikong eskwelahan sa probinsya nin Camarines mapadapit sa Child Protection awareness.
Objeto kan nasabi nang seminar iyo na maipaaram sa mga ka-akian lalo na sa mga magurang kabali na si mga maestra sa kada eskwelahan kun ano manangad an karapatan kan mga nag-eereskwela lalo na sa ngonian kadakol nang nangyayari sa laog asin luwas kan eskwelahan arog n asana kan Bullying, Pag-lastar sa sarong babae asin kadakol pang iba na kun saen igua nang mga laye na dapat mapangatamanan an mga nag-aadal na kaakian.
Sa banwaan kan GOA Camarines Sur nag-kaigua na nin sering na Seminar on Child Proteksyon kun saen pinanginutan mismo kan GFPTA sa pangengenot ni Emmanuel Calzada Presidente kan PTA.
Mismong si Alkalde Marcel Pan an naging huwespe de Honor asin kabali an mga nasa pampublikong eskwelahan na pinangenutan kan PSDS sa elementary Mr. Manuel Cabiles Jr. asin PSDS kan High School PSDS Sylvia Obias.
Sa tiripon naging ma-kolor an Seminar huli sa mga partisipasyon kan mga magurang lalo na sa mga kahapotan dapit kun papano mapoprotehiran an saindang mga aki. (Jv Navarro Verdeflor Jr. with DFPTA of Camarines Sur)