Susog sa rekomendasyon kan CDRRMO katakod kan gigibuhong groundbreaking ceremony kan Naga Legacy Residences sa lindong kan Naga City Pambansang Pabahay para sa Pilipino Housing (4PH) Project sa Balatas New Development Area, inaabisuhan an publiko na magkakaigwa nin paramientras na pagsarado nin mga tinampo kan Balatas-Cararayan Road 1 and 2, Leon SA Aureus St., asin porsyon kan Magsaysay Ave.
pasiring sa Leon SA Aureus St. sa maabot na Huwebes, Marso 16, 2023, 8:00 AM sagkod 5:00 PM, para magtaong dalan asin seguridad sa mga ma-atendir na opisyales gikan sa gobyerno-nasyonal.
Nin huli kaini, suspendido man an klase sa Naga City Science High School, Balatas Elementary School, asin Balatas National High School na namumugtak harani sa mga isasarang mga tinampo. Inaabisuhan man an mga motorista na magplano nin ruta asin likayan an mga isasarang mga tinampo para sa saindong kumbinyensya. Ini-enkaminar an gabos na magsunod sa mga panundon kan mga awtoridad na ide-deploy sa bisinidad.Hagad mi po an saindong pasensya sa mga magigin inkumbinyensya kan isasagibong aktibidad sa lugar.
(Jv Navarro Verdeflor Jr. source CDRRMO NAGA CITY)