Nananatiling nakataas sa Alert Level 1 ang Bulkang Mayon at Bulkang Bulusan.
Sa ulat ng Philippine Institute of Volcanology and Seismology (PHIVOLCS) nitong Marso 9, apat na volcanic earthquakes ang naitala sa Mayon habang nakapagtala naman ng isang volcanic earthquake sa Bulusan.
Aabot sa 648 na toneladang sulfur dioxide ang ibinuga ng Mayon habang 46 na tonelada naman ang Bulusan, ayon pa sa PHILVOLCS.
Kaugnay nito, mahigpit pa ring ipinagbabawal ang pagpasok sa loob ng Permanent Danger Zones (PDZ) ng mga naturang bulkan. (Emman Lumapag, RPN DZKI Iriga)