Sa ginibong budget hearing kan Sangguniang Panlalawigan nin Camarines Sur haros buminaba nin 400 milyones de pesos an prosopuestong 2023 Annual Budget kan probinsya huli soboot kan pagbagsak kan economiya kan Pilipinas nin huli sa pandemic.
Nagbaba nin Php 400 milyones an propuestong 2023 annual budget kan lokal na gobierno kan provincia nin Camarines Sur epekto pa ini kan pagbagsak kan economia kan nasyon huli kan duwang taon na pandemya.
Bako sana man an LGU kan camarines sur apektado sa pagbaba kan marerecibing NTA kundi gabos na LGUs sa Pilipinas nin huli sa pagbaba kan koleksyon sa buwis kan nakalihis na taon 2021 hasta 2022 kabali si pagpoon kan covid-19.
Mientrastanto segun sa mga nagin pahayag ni Vokal Romulo Hernandez Vice Chairman kan Committee on Appropriation sa junta provincial, an nasabi nang milyones de pesos na pighuros kan annual budget huli soboot kan nariricibing National Tax Allotment (NTA) hali sa Department of Budget and Management.
Mantang so dating Php 5.5 bilyon na budget kan 2022 mababa sa masunod na taon na aaprubaran kan junta provincial sa proposed budget na Php 5.1 bilyon sana.
Segun pa sa mga pahayag kaini na bako sana man an probinsya nin Camarines Sur apektado kundi gabos na LGUs sa enterong Pilipinas nin huli sa pagbaba kan koleksyon nin buwis kan naka-aging taon 2021-2022 huli sa pag-poon kan covid 19 kan 2019.
Ngonian na taon naglangkaw an saindang NTA asin iba pang LGUs nin huli kan Mandanas-Garcia ruling kasunod sa naging desisyon kan Korte Suprema na iguan mga kahirasan sa makukuang buwis an mga LGU hali sa koleksyon sa nasyonal. (JV Navarro Verdeflor Jr., photo courtesy of SP Cam. Sur)