Pigasegurar kan Department of Agriculture (DA) na bastante an suplay nin karneng manok asin orig sa panahon kan Pasko mantang seguradong pipilahan nin consumedores ngunian na bulan nin Deciembre abot sa pagsabat kan bagong taon.
An mga poultry farm maging an may mahiwas na piggery farm sa Bicol nagseguro na bastante an saindang suplay sa mercado kasunod kan mayo nang paglangkaw kan mga caso o peste sa sinambit na ataman nin hayop.
Sinabi ni Lovella Guarin, regional information officer kan DA Bicol laen kan pag-aseguar kan mga supplier igwa nang halangkaw na numero kan mga backyard piggery asin base sa saindang pag-monitor sa mercado.
Piglalaoman na dai naman ma-ulangto an presyo huli kan halangkaw na suplay.
Kabali sa pinapa-ngalad iyo an sugok, semilya, poultry meat. An aksyon na ini kan ahencia nganing dai na mag-ulakit sa mga hayop. mantang kaipuhan an halangkaw na suplay kan karne ngunian na Pasko.
Afuera pa kaini, dapat maulang an paglaog kan virus nganing maprotehiran an populasyon kan manok sa nasyon. (JV Navarro Verdeflor Jr.)