Internal cleansing sa PNP tututukan — Gamboa

Nangako ang bagong talagang si PNP Chief Police General Archie Francisco Gamboa na tututukan ang internal cleansing ng Philippine National Police (PNP).

Nangako si Gamboa, bilang siyang unang naglatag ng internal cleansing program, na malilinis niya ang hanay ng PNP bago ang kaniyang pagreretiro sa buwan ng Setyembre.

Binigyang diin pa ni Gamboa na hindi nagtatapos sa pagkuha ng tiwala ng Pangulo ang kaniyang misyon at malayo pa ang kaniyang tatahakin upang matamo ang mga planong pagbabago sa kanilang hanay.

Bukod sa internal cleansing, kabilang din sa tututukan ni Gamboa ang pagpapaigting ng kampanya kontra krimen at illegal na droga.