Ad-adda pay nga inigetan iti Ilocos Norte Police Provincial Office (INPPO) ti agpatrolya iti nagduduma a paset ti probinsia.
Daytoy ket malaksid pay dagiti immunan a naiwaras a pulis kadagiti 80 a border control iti amin nga entry ken exit points.
Kuna ni PNP Provincial Director Senior Supt. Christopher Abrajano a naideploy pay dagiti kameng ti pulisya kadagiti nagduduma a barangay tapno tumulong kadagiti barangay opisial ken tanod.
Kunana a binalbaliwan da ti istratehiya tapno naig iget ti pannakabantay dagiti amin a nagsasapalan iti ili, ciudad ken barangay a mangsiput kadagiti rumrumuar a residente.
Innayon ti PNP provincial director a daytoy ket kas panagtulnog pay laeng kadagiti naiyetnag a quarantine classifications ditoy probinsia babaen kenni Gov. Mathew Marcos Manotoc. (Cita Macalipis, RPN DZRL Batac Correspondent)
(Source: Provincial Government of Ilocos Norte, photo courtesy of Ilocos Norte Provincial Police Office Facebook page)