Pagadian City – Pormal nga gitunol ni Pagadian City Mayor Sammy Co ang ₱ 200,000.00 reward money nga iyang gisaad sa kung kinsa man makahatag og inpormasyon sa mga suspek nga nahilambigit sa pagpatay sa usa ka ahente sa ilimnong makahubog adtog milabay na tuig.
Gikan sa panudlanan sa LGU Pagadian ang maong reward money. Sumala bi Mayor Co, andam mogahin og salapi o reward money ang iyang LGU kung kinahanglan madakpan lang ang mga responsable sa mga kaso sa pagpamusil sa syudad.
Nagpasalamat og dako si Mayor Co sa inpormante sa iyahang tabang. Mapasalamaton usab ang amahan sa syudad sa PNP Pagadian nga gipangulohan ni PLtCol Parson Asadil, PNP Kumalarang og 902nd Regional Mobile Force Battalion nga maoy nanguna sa operasyon arun masikop lamang ang suspek sa pagpamusil.
Giawhag ni Mayor Co ang publiko nga tabangan nato ang atong kapulisan arun madali ang pag sulbad sa mga kaso.
(Source: Asenso Pagadian)