Iriga City – Maski heneral menteng matrangkilo an inot na Simbang Gabi kasu bago, alagad dai naibitaran na nagkaigua nin mga pagbalga sa health protocol na ipinapautob ngunian na panahon nin pandemya.
Dakol na mga parokyano an nagsusuruksukan orog na an mga yaon sa pinto na dai na nakakakua nin tukawan sa laog huli sa limitadong 30% capacity sa mga simbahan.
Dai man nagin sarabay an selebrasyon kan Simbang Gabi, igua nin alas 4:00 asin an iba mas amay pa kaini arog kan nagtalikod na mga taon mientras na an ibang Parokya ginibo alas 5 na nin aga.
Nagin eksido an pagbantay kan mga awtoridad poon pa sana sa entrada kan lambang Parokya, alagad dai nag- asir huli ta dakol na tawo an nag atinder sa inot na Simbang Gabi.
(OIC Melvin Barayoga, RPN DZKI Iriga)
