Inpakaammo ni Dr. Norman Rabago a dagiti dua a variant ti COVID-19 a naduktalan ditoy probinsia ket UK variant ken South African variant.
Impalgakna a kadagiti innem a kaso a naapektaran ti baro a variant, maysa ditoy ti UK variant ken lima ti South African variant.
Segun kenkuana, kadagiti innem, tallo ti siudad ti Laoag, maysa ti ili a Solsona, maysa ti ili a San Nicolas ken maysa ti ili Paoay.
Nupay kasta, inlawlawagna a saanna pay a mairakurak no ayan na kadagitoy ti naapektaran ti UK variant ken South African variant gapu ta saan pay a naawat ti probinsia ti opisial a resulta.
Innayonna a kadagupan dagiti innem a kaso ket maysa kadagitoy ti pimmusay nupay saanna pay masinunuo no ania a variant. (Ronald Domingo, RPN DZRL Batac Correspondent)
(Source: Provincial Government of Ilocos Norte)