General Santos City – Igo nalang intawon sa pag-dangoyngoy ang inahan sa batang lalaki nga si Yuri, 9 anyos, kansa una nang gilambos sa iyang kaugalingong amahan kaniadtong Enero 23, 2024 sa kadlawon nga miresulta sa kamatayon sa biktima.
Nasayran karong buntag lang usab niabot sa Gensan ang inahan sa bata gikan sa kauluhan ug gikan sa airport, nideretso gilayon kini sa Dr. Jorge Royeca Hospital aron nga makit-an ang iyang anak, apan hilabihan nalang ang iyang tyabaw dihang nasayran nga wala nay kinabuhi ang iyang anak.
Nasayran nga wala una gisultihan sa pamilya ang ginang bahin sa gidangatan sa iyang anak tungod aduna kini balatian.
Nasayran nga alas 3:00 ang takna kaganinang kabuntagon dihang nakabsan sa iyang kinabuhi ang bata gumikan sa grabeng samad nga naangkon niini dihang gilambos sa iyang kaugalingong amahan. (Jun Abelo)