Napintas a damag para kadagiti kakailian a magagaranen nga a agawid ditoy Ilocos Norte.
Inpakaammo ni Gob. Matthew Marcos Manotoc kalpasan a napalukayan ti iseserrek iti border ken dagiti quarantine protocol a bimmaba ti pagbayad ti antigen rest kadagii kakailian nga agawid ditoy probinsia manipud iti walo gasut a pisos ket napagbalinen a lima gasut a pisos.
Nupay kasta, dagiti saan a residente ti Ilocos Norte ket agtalinaed a walo gasut a pisos ti pagbayadda ti antigen test.
Inlawlawag ti gobernador a kangrunaan a gagem daytoy ket tapno mapalag-an ti magasto dagiti agawid a kakailian kalpasan a limmukayen dagiti travel requirements.
Kabayatanna, inbunannag ti gobernador a linukatanen ti Ilocos Norte ti border para kadagiti turista iti nadumaduma a paset ti pagilian.
Nupay kasta, dagiti turista manipud kadagiti enhanced community quarantine ken iti general community quarantine areas ket nasken a mangisubmitirda iti negatibo a reverse transcription-polymerase chain reaction test a naala iti uneg ti 72 nga oras idinto a dagiti manipud iti modified GCQ areas ket nasken a dumalan iti rapid antigen test apaman a sumangpetda.
Maibalakad kadagiti turista ti panagrehistroda iti ilocosnorte.ph, addaan ti SafePass Quick Response Codes, ken agbook kadagiti accredited accommodations wenno travel agencies.
(Ronald Domingo, RPN DZRL Batac Correspondent)
(Source: Provincial Government of Ilocos Norte)