Ikarkarigatan ti Provincial Engineering a maileppas sakbay a sumangpet dagiti mangbukbukel ti Meralco bolts dagiti paob-obra ni Gob. Matthew Marcos Manotoc iti “flooring” ti basketball court ti Ilocos Norte Centennial Arena.
Inlawlawag ni Provincial Engr. Luciano Domingo nga insayangkat ti ti gobernador ti inspeksion idi Huwebes kalpasan ti panangtarimaanda iti flooring”.
Nupay kasta, kunana nga adda pay dagiti sangkabassit a kalikagum ti Nupay gobernador a maaramid para iti pannakaisagana a naimbag daytoy a pagay-ayaman dagiti PBA players kangrunaanna dagiti kameng ti bolts.
Kabayatanna, impasigurado met ti Ilocos Norte Sports and Development Council a nakasaganan dagiti kangrunaan a kasapulan dagiti mangbukbukel iti nasao a team kas iti danum, silaw, “ventilation” pakairamnan ti kinadalus ken kinaurnos ti aglawlaw.
Naituding a mangisayangkat ti bolts ti panagsanay ditoy probinsia iti uneg ti sangapulo nga aldaw kas panagsagana iti PBA All Filipino Cup. (Ronald Domingo, RPN DZRL Batac Correspondent)
(Source: Provincial Government of Ilocos Norte)