Cebu City – Kapin sa 12 milyones nga kantidad sa dangerous drugs ang gisunog sa Police Regional Office 7 (PRO 7) uban sa Philippine Drug Agency 7 (PDEA 7) sa thermal facility sa Cosmopolitan Funeral Homes Inc (CFHI) sa Dan Junquera, Dakbayan sa Sugbo, Nobyembre 13, 2020.
Ang mga ginadiling drugs nga gipang sunog naglangkob sa 1,329.29 gramos sa methamphetamine hydrochloride o shabu ug 21, 147.43 gramos nga marijuana.
Apil sab ang 152.60 gramos nga MDMA ug 194 pieces ecstacy.
Lakip nga gisunog nga 1ml nalburphine hydrochloride o nubain.
Sa kinatibuk-an mo sumada kini ug ₱ 12,466,488.86.
Mitambong sa maong ceremony ang Konsehal sa Dakbayan sa Sugbo Hon James Anthony Cuenco; PCol. Roderick Mimong, Chief Regional Staff.
Misaksi sab si Director III Levi Ortiz, Regional Director PDEA 7; Engr. Elbert Ebo Operations Manager sa CFHI.
(Source: PDEA 7)